قصة واقعية فى ليبيا ...قصة حب ...واكشن

قصة واقعية حدتث فى ليبيا وسوف افصلها لكم لكى تعرفو الحب لدى الشباب اين يصل بهم احيانا ........؟

فى فترة من الفترات عندى شاب صديقى تعرف على بنت وكانت اخت صاحبه

بينهم حب جنونى واتحدى اى شخص فى المنتدى قال انا حبيت حبيبتى متل صاحبك ..

على العموم الشاب ماديا كان يستنى فى جمعيته باش يكمل حوشه والبنت مكلم خوها قال له اختك نبيها على

سنة الله ورسوله .المهم الشاب يخدم فى خدمتين باش يكمل حوشه بسرعة. ويوصلها لحوشه .

وفى يوم من الايام تقدم للبنت شخص صديق والدها وكانت حالته المادية فوق الريح مستعد بالزايد يقدر يفتح

اربعة احياش فى نفس الوقت .من الاخير فلوس.

والد البنت مارفضه قال له انرد عليك بعد يومين .وين سئل بنته قال الها يا بنت فولان طلب ايدك للزواج انتى شن

رايك ..؟ البنت تحشمت من بوها ماقدرت تقول له انا عندى واحد يبى يجينى ولا مكلم خوى ..سكتت البنت بوها

فهم بانها موافقة من سكوتها ...ماشى بنظرية السكوت علامة الرضاء

رد على الى تقدم لللخطبة وقال له على بركة الله ....والخطيب قال له العرس الشهر الجاى ..حدد تاريخ العرس

والمشكلة بان خوها يشتغل فى شركة نفطية فى الصحراء وقالو يبوا يديروهاله مفاجاءة .

البنت تقول نادو خوى نادو خوى ..استغربو علاش وعندها خوت شباب اخرين يقدروا يقدرا يقيمو العرس فوق روسهم

اتصلو اخيرا بخوها قالو له انت امته تروح قال الهم الاسبوع الجاى ..قبل موعد العرس باسبوع

ولما روح خوها قالو له عندنا عرس الاسبوع الجاى ..؟استغرب عرس من بوى يبى ياخد مراءة تانية ولا كيف القصة

قالو له عرس اختك ..ورد على امه وهيا شن قالت ..امه قالت له موافقة ...الولد كره اخته على خاطر صاحبه

كلم اخته قال الها انتى لااختى ولا نعرفك زادها مسكينة على مابيها..وحتى هو ماعرف شن يقول الى صاحبه ماقدر يوصل له المعلومة

وفى نفس الوقت الشاب ولد ناس حتى بالهاتف مايبى يكلمها الا من رقم خوها ..ولد اصل ولد بيتية

ولما صار الى صار ..بداء العرس وبدت الدربوكة ترن .................................................. ................؟

سمع الشاب بان العرس للبنت الى راسم حياته معاها وسمع يوم الاربعاء يوم العزومة للبنت .؟

الشاب قال البنت هادى غيرى انا والله ماهو واخدها عربى وقالها قدام مجمع رجال ردو عليه كيف يا رجل خلى

البنت تتهنى قال الهم يوم غدوة ... بندخل كتاب التاريخ

وفى يوم الخميس جى العريس بسيارته bmw530موديل 2007 ويبى مرته يروح بيها ..................................؟

وين اجى طالع بيها وكيف داخل بيها للطريق الرئيسى شاف سيارة نوع متسيوبيشى ((متشى جيلانط97))

جاياته بسرعتها وفيها شاب سكران ..............ويدف فى سيارته بالسيارة يقول له نزل البنت ولا نقلبك انت وياها

السيارات مع من الظرب فى بععظهم لين بدوا زى احكاك الطماطم ..؟

طبعا جماعة العريس جوه يجروا وين كترت عليه الزحمة طلع مقرون من سيارته وقال الى يقربنى نقتله انا نبى

البنت والبنت تبينى ولو ماناخدها توة نقتل الكم عريسكم ونقتل روحى بعده

ماكان على العريس الا انه يقول .............انتى طالق توكلى على الله مع راجلك

وين ايجى خوها روح باخته وقال له جيب المأدون وتعالى نستنى فيك

مشى الشاب الى عمه وهو سكران قال له يا عمى توة نبيك تمشى تقراء الفاتحة مع بنت فولان

وعمه يعرف القصة من زمان وتمت. تزوجها الشاب فى نفس الليلة ....وخش الحبس تانى يوم قعد فى الحبس لمدة

سنة ونص ..وهيا على دمته ولما طلع الحمد لله من فترة شهرين وصل زوجته لحوشه بعد ماتكفلو خوته باتمام الحوش

وكان صاحبنا عند كلمته البنت هادى والله ماهو واخدها واحد الا انا ..؟

وارجو ان تعجبكم قصة احد الاصدقاء الى نفتخر انى نكون من اعز اصحابه وقد سئلته قلت له نبى نعرض قصتك فى النت قال عادى اعرض هو من الى ماسمع بيها .

منقول

تحياتي

قصة واقعية فى ليبيا ...قصة حب ...واكشن Icon_sad

اللــــــــــــــــــــــــــــــــــه على القصة ما أحلاها ياريت يجيني شخص يحبني زي ما حب البنت ياربي يهنيهم ببعضهم ويارب يهني كل سعيد بسعيده

q\ضرب من الخيال

والله فى حب فى ليبيا لهده الدرجة pale

[img][/img]هاى مرح أنى عضو جديد ممكن ترحيب قصة واقعية فى ليبيا ...قصة حب ...واكشن Htt

ممكن المراسلة على بريدى

واو قصة تهبل
نصيب

» **قصة جريمة قتل فى ليبيا**
» ليبيا
» في ليبيا فقط : ههههههه
» اجمل مدن ليبيا لايقونكم
» دردشه تعالو