معاكسة البنات للاولاد

الواحد اخيرا اكتشف مش الولاد بس اللى بيعاكسو البنات

لاكن العكس صحيح



باهي شدوا عندكم

1- ماشي في حالك في الكلية في أمان الله وفيه بنت جاية بسرعة الصاروخ في الاتجاه المعاكس ولما تقرب منك ادير مش

واخده بالها وكل اللي في ايدها ينزل على الأرض , تعمل انت الشاب الفالح وتقلد الافلام وتحاول تساعدها ونبدأ القصة

بأسفه وبعدين هوه انت معانا في الكلية؟ ومشفتكش قبل هكي لغاية رقم تليفونك قداش وين تهيج بالليل؟؟؟.

البنت ادير روحها دكية يعني...........



2- درست سيارتك ونزلت تشتري حاجة وأنت راجع لقيت واحده حاطة مفتاح في الباب وتسألها شين اديري هادي سيارتي

تقوللك اسفة نفس سيارتي حتى درجة اللون أنا نسيت درستها وين ونبدأ نفس القصة وفرصة نضيفة ورقمك كم وساكن

وين والجو هوا ..................


3- ماشي بالسيارة في أمان الله وماشي جنبك بنت بسرعة الصاروخ وفجأة تكسر عليك بالسيارة وبعدين تنفجر بالضحك

هيه وصاحباتها قالك بتوريلك سنونها والجو القارص............


4- خاش لكفتيريا ولا اي تركينة و بنات واقفين وأول ماتيجي ماشي واحدة تيجي بمنتهى الذوق وتقولك المحفظة طاحت

منك وانت تقعد ترعي ادور وبعدها تلقي البنات مشروكين من الضحك من الاخير داروا مقلب وضحكوا عليك



5- ولا خاطم في الشارع بروحك وفي كمشة بنات خاطمين في الطريق العكسية ليك وشوية بدل ما الولد يلقح (( عادة ))

البنت هي اللي تلقح لين تتحشم

عليك عالم وخلاص




نبي ناخد رايكم في الكلام هادا

ونبي نعرف صايرتلكم المواقف هادي


واللى عنده موقف غريب صارله يحكيه ويعرضه لردود الاعضاء



اتمنى فعلا ان الموضوع يكون عجبكم