قصة حب حزينة جدأأأأأ

افتح قلبك

وأنا فتحت قلبي لبنيا في عمري تقريبا وعطيتها كل ماتحلم بيه أي بنت

وحبيتها بصدق وبنية ولي دلعها صبرت وتحملت ........... راح نحكي القصة بتفصيل تام

الموضوع بدأ في بداية الدراسة للعام الفائت وللعلم أنا طالب في سنة أولى قسم اللغة الانجليزية في كلية السابع من أبريل بالعجيلات وهي معايا في نفس القسم

المهم :::::

مكنتش نعرف انها في نفس القسم ولا نعرف انها ممكن تكون معايا في نفس القاعة

قبل لنعرف أنها معايا في نفس القسم أسألت عليها وسيرتها خالية من أي عيوب

وانعجبت بيها إعجاب شديد وأول مرة في حياتي تعجبني بنت أو حتى أنفكر في حاجة اسمها علاقة حب أو غرامية , حتى شفتها هيا وأكيد تعرفوا الحب من أول نظرة :

صبرت شوية بعد ماعرفت أنها معايا في نفس القسم

وتعرفت على شباب معايا وكونت معاهم صداقة و الصراحة صحاب بجد

وبعد حوالي أسبوع ونص وتطورت الصحبة مع الشباب اللي معايا وتفتحت مواضيع العلاقة وهاكي عاجبتني وهاديكة حلوة ومشيء كلام وجي كلام

وفي لحظة غير متوقعة نصدمت صدمة متوقعتهاش ابد

البنت اللي عجبتني طلعت مرتبطة بي اعز أصحابي واللي أستريحتله أكثر واحد في صحابي, وعلاقتهم مع بعض من أيام الثانوية :::: أكيد حاسين بيا

معاش عرفت شن بندير وشن بنقول ؟؟؟؟؟؟

تعرفت علها البنت وصادقتها صداقة عادية وفهمت شخصيتها وزاد أعجابي بيها أكثر بعد معرفتها بس ماقدرت أنصارحها بلي في قلبي وبحبي ليها تحملت غصب عني وكتمت على الموضوع . وبعد فترة ما تقارب عن شهر وتطورت المعرفة بيها : انفصلت في علاقتها عن أعز صحابي وصار بينهم خلاف كبير وصدقوني حاولت نصلح بينهم بس صاحبي وهي كان رافضين , وبعد حوالي 4 ألي 5 أيام جيت وتكلمت مع صاحبي وقولتله معاش تبيها

قالي خلاص معاش نبيها وطلعت من حياتي ومن قلبي .

قلت ولو قولتلك أنا نبيها ونحبها من قبل منتعرف عليك عجبتني وحبيتها

انا في اللحظة هذه راعيت احترام الصداقة واحترمته

لان في يمكن في داخله قاعد يبيها بس أنا كلمته هو باش منصغرش نفسي قدامه . وقالي لو تبيها عادي هي ليك....

بعد ما كلمته هو, لمحتلها بطريقة رومانسية ولو أنها الرومانسية نادر أنكم تلقو حد فاهمها

وعارف معناها :

والمشكلة أني لما لمحتلها صاحبي خاف أني نرتبط معها وأندير معاها علاقة بسرعة رجعلها

وقولت في نفسي مش مشكلة

وفي نفس الوقت كلمتني هيا وقالتلي شن تقصد باللي اعطيتهولي

وأنا أعطيتها وردة حمرة و كرت وعبرت فيها مقدار بطريقة غير مباشرة

وانا قولتلها انبصر عليك . مانقصد شيء

وقالت ليا أني أنتعمد في التفريق بينها وبين حبيبها اللي هو صاحبي و معاش كلمتني ومعاش كلمتها وبعد أسبوع رجعت وتأسفت ليا وقالت قلبي ماطوعنيش ونعزك سامحني

ومشت الأيام وجت أيام غيرها وصار نفس الشي نفصلو بس بشكل نهائي وتام

بس مقدرت ننساها وحبها سيطر عليا كليا

وكان في صاحب ثاني عنده بالموضوع أمشالها وقاللها كل شيء وفي نفس الوقت أهديت لها خاتم ذهب كلفني 570 دينار ليبي وأعطيتهولها في عيد ميلادها فاستغربت

وبعد حفلة عيد ميلادها جت وقالت لهذه الدرجة أتحبني قولت أكثر هلبه مرات

وقولتلها من أول مرة شفتك فيها حسيت حياتي ملك ليك واني انخلقت على حبك ومقداره كبير عندي

ودرت معاها علاقة وانتهت الدراسة وقعدنا انكلمو بعضنا بالتليفون وجت أمتحانات الدور الثاني واتقلقينا في أيام متقطعتا وحسدونا في علاقتنا

وأخر يوم اهديتها سلسلة ب360 دينار ليبي وبعد فترة معاش كلمتها تتصل ومردش عليها

وبعد مدة بسيطة عاودت وكلمتها شوية قالتلي انا وفي مصيف تأجوراء تعاللي

قولتلها باهي

وأجرت سيارة 200 ورهنت جواز السفر وشيك بقيمة السيارة ومشيت باش انتلقو غادي ونشبحها ونطمن عليها , بس في الطريق وأنا ماشي اتصلت بيا وقالت بتجي

قولتلها ( لا لا) قالت خسارة

وانا طبعا ماشيلها حبيت أنفاجئها و وصلت للمصيف ونزلت ومعايا قريبي من طرابلس و صاحبي من ايام الثانوية .

المهم تمشينا شويا والقيت عليتهم بس هيا مش معاهم

قلت في نفسي أكيد تعوم في البحر

وتمشينا القدام شوية مسافة باهية القيتها تهدرز على واحد ثاني من تأجوراء وين شفتها طلعت طول روحت وهي شبحتني هربت وامشت طول للخيمة وأتصلت بيا بس مرديتش عليها

وبعدها بيوم بعدت برسالة وقالت ( انحبك ونموت فيك وما ليا بديل عليك سأمحني الله ليا أيخليك أول وأخر مرة وعد ما تتكرر حياتي ما تسوى الا بيك... أنا أسفة)

وأنا مبخلت عليها في حاجة وعيشتها عيشة أي بنت تتمناها , ومجرحتها و لا زعلتها

علاش ادير فيا هكي هو هذا منها حقي :::

ومن يوم اللي صار تيلفونها مقفل .

و الدراسة قربت وهي نجحت وانا نجحت

شن تنصحوني في هذه الحالة

مع اني والله قاعد انحبها

ياعطيك عافيه قصه حلوة

قصة مؤثرة والله ربي يكون في عونك
بالنسبة ليا انا ننصحك تنساها ومعاش اتفكر فيها صح صعب بس هي وقفت مع حد غيرك وكلمت غيرك ومش من اقاربها ولا تعرفه يعني زي ما انقولوا بالليبي عاكسها شدت معاه ... فوتها خونا انت باين عليك شاب طيب وتنحب والف وحدة تتمناك كون خير منها ومعاش تعطيها وجه
تحياتي مدريدي مووت

مشكور وخيي

وتسلم الايادي

قصه رائعه

» قصة ام تلحظ الحمل علي بنتها قصة حزينة بكل