واحد وقفه المرور شوفو الذكي كيف تصرف ؟ !

[مرة فيه شاب يسوق في سيارة ومعاه صاحبه جنبه وفاتح المسجل على قوته المهم ماشيين في الطريق وقفتهم دورية جا !
ه الشرطي قاله نقص في المسجل قاله مانبيش انقص ! قاله باهي هات رخصتك . قاله ماعنديش رخصة هي برا هي . الشرطي قاله تسوق ومعلي المسجل ومن غير رخصة حي عليك حي شوي قاله حتى كتيب اصلا ماعنديش شن تبي مني ؟ . قاله الشرطي حتى كتيب ماعندكش نهارك الاحرف . شوي الشرطي قاله افتح القجر متع السيارة شن فيه نبي نشوف . قاله فيه حشيش ماشي بنوصله لصحابه . الشرطي مافهم شي قاله حشيش ؟؟؟ ياويلك مشيت فيها . قاله باهي ترا افتحلي الكوفنو التالاني . قاله من الاخير مانبيش نفتحه لاني قاتل واحد وحاطه فيه . الشرطي هبل خلاص تي انزل من السيارة توا نوريك نزل وطبعا صاحبه يرعش يقوله شن تقول خيرك درت هكي قاله اصبر توا تشوف . المهم الشرطي اتصل بالعميد اللي شادهم كلهم قاله تعالى فيه وفيه وفيه .
جي العميد والع غاضب تي وينه المجرم قاله اهوا . جي العميد للولد انت هو حقا ماعندش رخصة ؟

الشاب : لا يا افندي اهي رخصتي تفضل وعطاهاله . قاله باهي والكتيب وريهولي . قاله تفضل الكتيب هاك .

قاله باهي افتح القجر وريني شن فيه قاله اهو فتحته وزي ماتشوف فاضي قاله باهي افتح الكوفنو . قاله حاضر اهو فتحته وقدامك فيه شكورطة ومفاتيح . العميد مافهم شي شد الشرطي قاله تعالى جاي علي من تكدب فيه جريمة وواحد ميت وحشيش وبلا اوراقي السيارة حي عليك حي . دورة الشاب قاله يا عميد بالله ان شاء الله غر ما كدبش عليك وقالك حتى راهو وقفته على خاطر يجري .

ومشي خونا الشرطي حولوه لنهاية ليبيا وباتت فيه ..



تحياتي . .. .